ಒಂದು ಕನಸು..!
ಸುತ್ತಲೂ ಗುಡ್ಡಗಳು
ನಡುವೆ ಒಂದು ಹಳ್ಳ
ಹಳ್ಳದಂತಿರುವ ನದಿ
ಇಕ್ಕೆಲದ ತುಂಬಾ ಹೊಲಗಳು
ಉಳಿದ ಭೂಬಾಗದ ನಡುವೆ
ರೂಪುಗೊಳ್ಳುತ್ತಿದೆ..
ಒಂದು ಸುಂದರ ಪುಟ್ಟಮನೆ..!
ಅಂಗಳದ ಮೂಲೆಯಲಿ
ಕಂಬದ ದೀಪಗಳು..!
ಎರಡು ನವಿಲುಗಳು..!
ಮೆಲ್ಲನೆ ಇಳಿದು ಬರುತ್ತಿವೆ
ಕಣಿವೆಯಲಿ ಹಿಮದ ಪದರಗಳು..!
ಹೆಜ್ಜೆಯಿಡುತ್ತಿದೆ ಅಂಗಳದಲ್ಲಿ
ಪುಟ್ಟಮಗುವಿನ ಗೆಜ್ಜೆಕಟ್ಟಿದ ಕಾಲುಗಳು..!
ಬೆಳದಿಂಗಳ ಕೋಣೆಯಲಿ
ಕೆಲಸ ಮಾಡುತ್ತಿದೆ
ಬಂಗಾರದ ಬಳೆ ತೊಟ್ಟ ಕೈಗಳು..!
ಆ ಕನಸಿನ ಹೆಸರು " ಸಂಸಾರ"
ಅಮೂರ್ತ ಮನೆಯ
ಬಾಗಿಲಲ್ಲಿ ಕೈಮುಗಿಯುತ್ತಿದೆ
ಒಂದು ಬಂಗಾರದ ಫಲಕ
ಬರೆದಿದೆ " ಸುಸ್ವಾಗತ"..!
---------------------------------------------------
-ರವಿ ಮೂರ್ನಾಡ್‍
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ